भोजपुर । भोजपुरको साल्पासिलिछो गाउँपालिका वडा नम्बर ४ खाटम्मा गोथे बजारमा कुटपिट हुँदा एक पुरुषको मृत्यु भएको छ। षडानन्द नगरपालिका वडा न. २ ताँबुटारका अन्दाजी ३१ बर्षको धर्मराज राईको मृत्यु भएको जिल्ला प्रहरी कार्यालय भोजपुरले जनाएको छ ।

प्रहरीका अनुसार, सोमबार बेलुका करीब ६ बजेतिर सो स्थानमा सामान्य विवादका कारण पछि कुटपिटको घटना घटेको हो। कुटपिटबाट गम्भीर घाइते भएका धर्मराज राईको घटनास्थलमै मृत्यु भएको छ। मृतकका भाइ मन कुनार राईले शवको पहिचान गरेका छन्।

कुटपिटमा संलग्न रहेका एक व्यक्ति प्रहरीको नियन्त्रणमा रहेको र थप अनुसन्धान भइरहेको जिल्ला प्रहरी कार्यालय भोजपुरले जनाएको छ। घटनासम्बन्धी थप जानकारीको लागि प्रहरीले अनुसन्धान प्रक्रिया जारी राखेको छ।