काठमाडौँ । काठमाडौँको माछापोखरीमा दुई जनाको शव भेटिएको छ ।

काटमाडौँ–१६ स्थित माछापोखरीमा छुट्टाछुट्टै ठाउँमा दुई जनाको शव भेटिएको जिल्ला प्रहरी परिसर काठमाडौँका एसपी नवराज अधिकारीले बताए ।

बसन्तनगरस्थित क्लासिकल होटलमा २८ वर्षीय भोला पाठक मृत फेला परेका छन् । पाठक नुवाकोटको ककनी नगरपालिका–६ का स्थानिय हुन् ।

त्यस्तै मितेरी पुल नजिकै खाली जग्गामा करिब ५५ वर्षीय पुरुष मृत फेला परेका छन् । उनको सनाखत गर्ने प्रयास भइरहेको एसपी अधिकारीले बताए । घटनाबारे प्रहरीले अनुसन्धान गरिरहेको छ ।