काठमाडौं । सुनसरीको धरान उपमहानगरपालिका ७ मा कुकुर सहितको चेकिङको क्रममा नियन्त्रित औषधी सहित १ जना पक्राउ परेका छन ।

कोशी प्रदेश प्रहरी कार्यालय बिराटनगरको “सुरक्षा सुनिश्चितता अभियान” अन्तरगत चाड पर्व लक्षित सुरक्षा योजना अनुसार कार्तिक १० गते परिचालन भएको प्रहरी कुकुर सहितको चेकिङ टोलीले यात्रुहरुको सुरक्षालाई समेत मध्यनजर गरी चेकजाँचको क्रममा धरानबाट उदयपुर जादै गरेको को १ ख ५४४० नम्बरको बसमा सवार रहेका उदयुर त्रियुगा नगरपालिका १० का २५ बर्षीय संजय राना मगरलाई नियन्त्रित औषधी ट्रामानिल ६०० क्याप्सुल र स्पारेष्ट ६०० चक्की सहित पक्राउ गरेको छ ।

प्रहरीले लागुऔषध ओसार पसार, बिष्फोटक पदार्थ तथा अन्य अपराधिक गतिबिधि नियन्त्रणको लागि तालिम प्राप्त कुकुर सहित ब्यक्ति तथा सवारी साधनहरुलाई कडाईका साथ चेकजाँच गर्दै आएको छ ।