काठमाडौं ।अदृत फिल्मस् र मोती फिल्मस्ले संयुक्त रूपमा निर्माण गरेको चलचित्र ‘एक्टरः टेक वन’को प्रदर्शन मिति सरेको छ । चलचित्र पूर्व निर्धारित मिति कार्तिक १५ बाट सरेर माघ १६ गते पुगेको छ ।

मानवीय र प्राविधिक कारणले निर्धारित मितिमा फिल्म प्रदर्शन हुन नसक्ने देखिएको निर्माताले जनाएका छन् । वितरक, पोस्ट प्रोडक्सन र अन्य नेपाली फिल्मको प्रदर्शनलाई समेत दृष्टिगत गर्दै प्रदर्शन सारिएको अदृत फिल्म्स र मोती फिल्म्सले जनाएका छन् ।

मिति परिवर्तन गरेकोमा वितरक, चलचित्र प्रेमी र अन्य सरोकारवालाहरूलाई परेको असुविधाप्रति क्षमा समेत  निर्माण पक्षले मागको छ ।

थमनकुमार भण्डारी र मोती कार्की निर्माता रहेको चलचित्रमा प्रदीप खड्का, राजबल्लभ कोइराला, अन्ना शर्मा, दिव्या रायमाझी, दिव्य देव, उषा रजक, सुशील सिटौलालगायतका कलाकारको अभिनय छ ।