काठमाडौं । खोटाङमा बोलेरो दुर्घटना हुँदा ६ जना घाइते भएका छन्।

मंगलबार ९ बजेतिर रावाबेसी गाउँपालिका १ कुभिण्डेमा च १ ज ५५८ नम्बरको बोलेरो दुर्घटना भएको जिल्ला प्रहरी कार्यालय खोटाङले जनाएको छ ।

बोलेरोमा ८ जना सवार रहेकोमा २ जना सकुशल छन्। ६ जना घाइतेको भने जिल्ला अस्पताल दिक्तेलमा उपचार भइरहेको छ।

नुनथला–ऐसेलुखर्क सडकखण्डमा डुम्रेधारापानीबाट सदरमुकाम दिक्तेल आउँदै गरेको बोलेरो सडकमै पल्टिएको प्रहरी कार्यालय खोटाङले जनाएको छ ।