काठमाडौं । मनकामना केबलकार आज देखि तीन दिनसम्म बन्द भएको छ । मर्मत सम्भारका लागि असोज २९, ३० र कात्तिक १ गते केबलकार बन्द गरिएको हो ।

केबलकारका नयाँ तार फेर्नुपर्ने, लठ्ठाहरुलाई छोट्याउनु पर्ने लगायतका काम गर्नुपर्ने भएकाले तीन दिनका लागि सेवा बन्द भएको मनकामना दर्शन प्रालिले जनाएको छ ।

मनकामना केबलकार मर्मत सम्भारका लागि अष्ट्रेलियाबाट प्राविधिकहरु झिकाइएको छ । ती काम असोज २९ र ३० गते सकिने अनुमान छ, भने १ गते विश्राम गरेर कात्तिक २ गतेदेखि सेवा शुरु गरिने प्रालिले जनाएको छ ।