भोजपुर । भोजपुरको पूर्वी अरुण गाउँपालिकाले प्रगतिशील प्रविधिको प्रयोग गरेर ऐतिहासिक सफलता हासिल गरेको छ। पहिलो पटक, अरुण गाउँपालिका वडा नं. ३ मा बस्ने कमल बस्नेतको घरमा (AI-artificial insemination)प्रविधिको मद्दतले बाछा जन्माउन सफल भएको खबरले स्थानियवासीहरूमा खुसीको लहर छाएको छ।

यस उपलब्धिमा पशुपंक्षी शाखाले महत्वपूर्ण भूमिका निर्वाह गरेको छ। अरुण गाउँपालिकाको तर्फबाट पशुपंक्षी शाखालाई हार्दिक धन्यवाद व्यक्त गर्दै, गाउँपालिकाका प्रमुख जितमान जिमीले भने, प्रगतिशील प्रविधिको प्रयोगले पशुधन संरक्षणमा नयाँ युगको शुरुआत गरेको छ। यो सफलता पशुपालनमा नवप्रवर्तनको दिशामा महत्वपूर्ण कदम साबित हुनेछ।

स्थानियवासीहरू यस प्रविधिले पशुपालनमा सहजता र प्रभावकारिता ल्याउनेमा आशावादी छन्। यस सफलताले भविष्यमा पशुधन संरक्षण र वृद्धि गर्ने मार्ग प्रशस्त गर्ने विश्वास व्यक्त गरिएको छ।