काठमाडौँ । नेपाल क्योकुशिनकाईकान संघले आगामी २०८१ सालको फागुन २६ र २७  गते काठमाण्डौँको दशरथ रङगशालामा प्रथम क्योकुशिनकाईकान इन्डो नेपाल खुल्ला महिला तथा पुरुष तौल समूह फुलकन्ट्र्याक्ट कराँते प्रतियोगिता आयोजना गर्न लागेको छ।

यस प्रतियोगिताले आत्मरक्षा र खेलकुदको माध्यमबाट नेपाल राष्ट्रको नाम अन्तर्राष्ट्रिय स्तरमा उच्च राख्ने उद्देश्य राखेको छ। क्योकुशिनकाईकान संघले यो प्रतियोगिता आयोजना गरेर, युवा खेलाडीलाई आफ्नो प्रतिभा प्रस्तुत गर्ने अवसर दिने र उनीहरूको क्षमता अभिवृद्धि गर्ने कोसिस गर्दैछ। यसै क्रममा, खेलाडी, प्रशिक्षक र दर्शकहरूको माझमा यस संघको लोकप्रियता बढाउने लक्ष्य राखिएको छ।

प्रतियोगिताका मुख्य प्रायोजक र सह९प्रायोजकका लागि अवसरहरू प्रायोजकहरूलाई कार्यक्रम स्थलमा ब्यानर र अन्य प्रचार सामग्री राख्ने अवसर दिइनेछ। टिभी, रेडियो, पत्रिका आदि मार्फत पनि कम्पनीहरूको प्रचार हुनेछ। मुख्य प्रायोजकका लागि रु। ५,००,००० र सह९प्रायोजकका लागि रु। ३,००,००० को प्रस्ताव राखिएको छ।

प्रतियोगिता सफल बनाउन प्रायोजक र सहयोगी संस्थाको महत्त्वपूर्ण भूमिका रहनेछ। प्रायोजकहरूले आफ्नो ब्रान्ड प्रचार गर्ने र यस प्रतिष्ठित प्रतियोगितामा सहभागिता जनाउन सक्नेछन्।

यस प्रतियोगिताको सफलतासँगै खेलकुद सामग्री, प्रशिक्षक र खेलाडीहरूको व्यवस्थापन, मेडिकल सेवाहरू, सांस्कृतिक कार्यक्रम, प्रचार९प्रसार र अन्य खर्चहरूको व्यवस्थापन गरिएको छ। कुल अनुमानित खर्च रु। ३७,०९,००० रहेको छ।

यश प्रोग्रामबाट उठेको रकमले अनाथ बालबालिकाहरूको लागि खाद्यान्न सामग्री र कपडा वितरण गर्ने कार्य पनि गरिनेछ। यस कार्यमा डा। जय राम ओलिको प्रमुख भूमिका रहेको छ, जसले समाज सेवामा आफ्नो योगदान दिइरहनुभएको छ।

प्रतियोगिता आयोजनाको लागि नेपाल क्योकुशिनकाईकान संघले आर्थिक सहयोगका लागि प्रायोजकहरूको सहयोगको अपील गरेको छ। सबै इच्छुक प्रायोजक र सहयोगीलाई आयोजकले साथ दिनको लागि आह्वान गरेको छ।

यस प्रतियोगिता मार्फत नेपाल क्योकुशिनकाईकान संघले खेलकुदको माध्यमबाट स्वस्थ र सशक्त राष्ट्र निर्माण गर्ने आफ्नो उद्देश्यलाई अघि बढाउँदै, खेलकुदको क्षेत्रमा ठूलो योगदान पुर्याउने अपेक्षा राखेको छ।