भोजपुर । भोजपुरको पुर्वी अरुण गाउँपालिकाले आयोजना गरेको छैठौं राष्ट्रपति रनिङ शिल्ड प्रतियोगिता हिजो समापन भएको छ । यस प्रतियोगितामा गाउँपालिकाभित्रका सात वटै माध्यमिक विद्यालयहरूको सहभागिता रहेको थियो।

समापन समारोहमा अरुण गाउँपालिकाका अध्यक्ष शालिकराम खत्रीको अध्यक्षता र कोशी प्रदेशका पुर्व मुख्यमन्त्री राजेन्द्र कुमार राईको प्रमुख अतिथिमा कार्यक्रम गरिएको थियोे ।

यस प्रतियोगितामा ट्रयाक र फिल्ड प्रतिस्पर्धा प्रमुख आकर्षण बनेका थिए। ट्रयाक तर्फ शारदा मावि, प्याउली र फिल्ड तर्फ कटका माविले विजय हासिल गरेका छन्। भलिबल प्रतिस्पर्धामा छात्र र छात्रा दुवैमा कटका मावि विजयी भयो । तर,ट्रयाक प्रतिस्पर्धामा अपेक्षित नतिजा निकाल्न नसक्दा रनिङ शिल्ड शारदा मावि, प्याउलीले जित्न सफल भएको हो।

प्रतियोगितामा कुल २५ वटा स्वर्ण पदक वितरण गरिएको थियो। जसमा शारदा मावि, प्याउलीस् ७ स्वर्ण, ५ रजत, २ कांस्य ९कुल १४ पदक०,,कटका मावि ५ स्वर्ण, ६ रजत, ११ कांस्य ९कुल २२ पदक०,महेन्द्रोदय माविस् ५ स्वर्ण, ५ रजत, १ कांस्य ९कुल ११ पदक० र अरुणोदय मावि, चरम्बीस् ४ स्वर्ण, ४ रजत, १ कांस्य ९कुल ९ पदक० रहेको थियोे ।

पुरस्कार वितरण तथा समापन कार्यक्रममा बोल्दै गाउँपालिका अध्यक्ष खत्रीले खेलकुदको माध्यमबाट आर्थिक सामाजिक क्षमता र व्यक्तिगत क्षमता अभिवृद्धि हुनुका साथै खेलकुदले सामाजिक एकता कायम गर्न, अनुशाशनको पालना गर्न र समयको महत्वको वोध समेत गराउने भएकाले खेल जिवनमा सफल हुने व्यक्ति जिवनका सबैमा सफल हुन सक्ने वताउनु भयो ।

उहाँले विश्व धेरै देशहरुको अर्थतन्त्रको ठूलो हिस्सा खेलकुदको आम्दानी वाट हुने कुरा व्यक्त गर्दै अब हामीले पनि खेलकुद लाइ मनोरन्जनको रुपमा नलिइ व्यवसायिकता तर्फ र आयआर्जन तर्फ पनि अधि वढाउनु पर्ने र त्यसका लागी गाउँपालिकाको पूर्ण समर्थन र सहयोग रहने वताउनु भयो साथै खेलाडीको मनोवल वृद्धि होस भनि विजेता खेलाडीहरूलाई रु १ लाख नगदै दिने, खेल शिक्षक लाइ तालिमको व्यवस्था गर्ने र खेल पूर्वाधार्वा विकाश गर्न र विकास लागी तत्कालै तालिमको व्यवस्था गर्ने समेत जानकारी दिनु भयो ।

कार्यक्रमका प्रमुख अतिथि पुर्व मुख्यमन्त्री राइले आफु मुख्यमन्त्री भएको वखत खेलकुदको पूर्वाधार विकाश र खेलाडी उत्पादनका लागी प्रसस्त वजेटको विनियोजन गरेको र हाल पनि खेल क्षेत्रको विकासका लागि हाल आफुले सकेको सहयोग गर्ने र गरिरहने वताउनु भयो ।

समारोहमा अरूण गाउँपालिकाकी उपाध्यक्ष विनिता ढकाल, विभिन्न वडाका वडाध्यक्षहरू, राजनीतिक दलका प्रतिनिधिहरू, शिक्षक र खेलप्रेमीहरूको उपस्थितिमा प्रतियोगिता समापन भएको थियो।खेल अरुणोदय मा बि चरम्बिको प्रांगणमा माघ २७ गते सुरू भई आज सम्पन्न भएको हो ।