

कोरियन मार्शल आर्टस् एकेडेमीको आयोजनामा बधाई तथा सम्मान कार्यक्रम सुरु

ललितपुर । कोरियन मार्शल आर्टस् एकेडेमीको आयोजनामा बधाई तथा शुभकामना कार्यक्रम आज बिहान ७ बजे विशालचोक, ललितपुरमा सुरु भएको छ।
उक्त कार्यक्रममा प्रमुख अतिथिका रूपमा राष्ट्रिय खेलकुद परिषद्का उपाध्यक्ष ध्रुव आचार्य उपस्थित रहने छन्। साथै, प्याराओलम्पिकमा नेपालका लागि पदक जित्न सफल खेलाडी पोलेसा गोवर्धनलाई विशेष सम्मान प्रदान गरिनेछ। उनलाई नगद पुरस्कारसहित सम्मान गरिने आयोजक समितिले जनाएको छ।
त्यसैगरी, कोजलाई समेत नगदसहित सम्मान गरिने भएको छ। कार्यक्रममा राष्ट्रिय खेलकुद परिषद्मा नियुक्त भएका ध्रुव आचार्य र सुवर्ण श्रेष्ठलाई पनि सम्मान गरिनेछ।
कोरियन मार्शल आर्टस् एकेडेमीले खेल क्षेत्रको विकास र खेलाडीहरूको हौसला बढाउने उद्देश्यले नियमित रूपमा यस्ता कार्यक्रमहरू आयोजना गर्दै आएको छ। आयोजकका अनुसार स्वास्थ्यका लागि खेलकुद, राष्ट्रका लागि खेलकुदू भन्ने नाराका साथ कार्यक्रमको तयारी भइरहेको छ।
कार्यक्रमले खेलाडीहरूलाई थप प्रोत्साहन दिने विश्वास गरिएको छ।
तस्बिर :तारादेवी श्रेष्ठ

