भोजपुर। भोजपुरको पूर्वी अरुण गाउँपालिका-३ मर्याङडाँडामा रहेको अरुण बहुउद्देश्यीय आध्यात्मिक प्रतिष्ठानले आयोजना गरेको स्तूप (छोर्तेन) प्राणप्रतिष्ठा तथा बृहत् बौद्ध ध्यान शिविर आजदेखि सुरु भएको छ। माघ १२ र १३ गतेसम्म भव्य कार्यक्रम गरी सम्पन्न गरिने यस कार्यक्रममा देशभरका बौद्ध धर्मावलम्बीहरुको सहभागीता रहनेछ।

आजको कार्यक्रममा पूजा तथा प्रवचन सञ्चालन गरिएको थियो। प्रतिष्ठानका सचिव आचार्य सोमनाथ कोइरालाका अनुसार भोलि माघ १३ गते विभिन्न जिल्लाबाट आउने बौद्ध धर्मावलम्बीहरुको उपस्थिति रहनेछ।

कार्यक्रमको सभापतित्व प्रतिष्ठानका अध्यक्ष चूडामणि दाहालले गरेका छन्। प्रमुख अतिथिका रूपमा खेन्पो पेमा होसेर रिन्पोछे उपस्थित छन् भने विशिष्ट अतिथिहरुमा अरुण गाउँपालिकाका अध्यक्ष शालिकराम खत्री, पौवादुङ्मा गाउँपालिकाका अध्यक्ष किरण राई, उपाध्यक्ष विनिता ढकाल, प्रमुख प्रशासकीय अधिकृत नवीन भट्टराई, वडा अध्यक्ष कुमार कार्की र मन्दिर निर्माणकर्ता बौद्ध धर्मका विशिष्ट ज्ञाता लोचवा पुण्यप्रसाद पराजुली रहेका छन्।

प्राणप्रतिष्ठा पूजा खेन्पो नरेश गुरुङको आचार्यत्वमा सम्पन्न गरिएको हो। लामाहरुबाट विशेष पूजन पनि सम्पन्न भएको थियो।

कार्यक्रमको आयोजना अरुण बहुउद्देश्यीय आध्यात्मिक प्रतिष्ठानले गरेको हो भने बुद्ध प्रकाश फाउन्डेसनले प्रायोजन गरेको छ। प्रतिष्ठानका अध्यक्ष चूडामणि दाहालका अनुसार कार्यक्रममा बौद्ध धर्मका प्रचारक ज्यो। विद्वान राजेन्द्र लामा स्याङ्बो, बुद्ध प्रकाश फाउन्डेसनका कार्यकारी निर्देशक अरुण पौडेललगायत विशिष्ट व्यक्तिहरुको उपस्थिति रहेको छ।

यस कार्यक्रममा हिन्दू, बौद्ध, किराँतलगायत विभिन्न धर्मावलम्बीलाई सादर निमन्त्रणा गरिएको छ।

फोटो फिचरहरु: