भोजपुर । भोजपुरको हतुवागढी गाउँपालिका–२ घोडेटार स्थित सडक खण्डमा एक दुःखद घटनामा ट्याक्टरको चक्काले किचेर एक कामदारको मृत्यु भएको छ।

मंसिर १७ गते साँझ कावा खोलाबाट पराल बोकेर लुङगिन तर्फ आउँदै गरेको को.२ त. ७२६८ नम्बरको ट्याक्टरमा सवार २२ वर्षीय स्थानिय कामदार एक्सन भुजेल अचानक ट्याक्टरबाट लड्दा ट्याक्टरको चक्काले उनलाई किचेको हो। यस घटनामा भुजेलको घटनास्थलमै मृत्यु भएको थियो।

ट्याक्टर चालक सुमन सार्की, २८ वर्ष, सोही स्थानका निवासीलाई इलाका प्रहरी कार्यालय घोडेटारले नियन्त्रणमा लिएको छ। घटनाबारे जिल्ला प्रहरी कार्यालय भोजपुरले थप अनुसन्धान गरिरहेको छ।