काठमाडौं । मकवानपुरको हेटौंडास्थित आफन्तको घरमा दशैं मनौउन आएका काठमाडौंका एक जना व्यक्ति होटेलमा मृत भेटिएका छन् ।

काठमाडौं महानगरपालिका(७ चावहिल घर भएका ४७ वर्षीय अजय मानन्धर हेटौंडा उपमहानगरपालिका(२ स्थित पल्पसा प्याराडाइज होटेलमा शक्रबार मृत फेला परेको जिल्ला प्रहरी कार्यालय मकवानपुरले जानकारी दिएको छ । मानन्धर २७ असोजदेखि होटेलको ४०५ नम्बर रुममा बस्दै आएको खुलेको प्रहरीले जनाएको छ । प्रहरीको भनाइ अनुसार उनी दशैंमा टीका लगाउन हेटौंडास्थित मामाघर आएका थिए ।

मानन्धर यसअघि पनि हेटौंडा आवतजावत गरिरहँदा सोही होटेलमा बस्ने गरेको प्रारम्भिक अनुसन्धानबाट खुलेको जिल्ला प्रहरी कार्यालय मकवानपुरले जनाएको छ । शुक्रबार साथीहरुले फोन गर्दा नउठाएपछि होटेलको ढोका खोलेर हेर्दा मानन्धर मृत अवस्थामा फेला परेको प्रहरीले जनाएको हो । घटनाको थप अनुसन्धान भइरहेको छ ।

मृतक मानन्धरको शव हेटौंडा अस्पतालको शव गृहमा राखिएको छ ।