काठमाडौं । माओवादी केन्द्रका अध्यक्ष पुष्पकमल दाहालको आह्वानमा बसेको विपक्षी दलको बैठकमा रास्वपाबाट ६ जना नेता मात्रै सहभागी भएका छन् । सभापति रवि लामिछानेसहित ६ जना नेताहरु बैठकमा सहभागी भएका हुन् ।

बैठकमा रास्वपाका उपसभापतिद्वय डीपी अर्याल र स्वर्णिम वाग्ले, नेताहरु शिशिर खनाल, सुमना श्रेष्ठ, विराजभक्त महर्जन सहभागी भएका छन् ।

बैठकमा माओवादीबाट भने दाहाल र शक्ति बस्नेत तथा एकीकृत समाजवादीबाट अध्यक्ष माधव कुमार नेपाल सहभागी छन् । यस्तै आजपाबाट अध्यक्ष प्रभु साह सहभागी हुँदा सत्ता पक्षमै रहेपनि लोसपाका अध्यक्ष महन्थ ठाकुर सहभागी छन् । बानेश्वरमा बसिरहेको बैठकमा समसामयिक राजनीतिक विषयवस्तुको विषयमा छलफल भइरहेको छ ।