मनसुन बाहिरिएसँगै देशभरको तापक्रम घट्दै
काठमाडौं । देशबाट मनसुन बाहिरिएसँगै काठमाडौं उपत्यका लगायत देशका विभिन्न भागको तापक्रम क्रमशः घट्न थालेको छ ।
हाल देशभर पश्चिमी वायुको प्रभाव रहनुका साथै कोशी, बागमती र गण्डकी प्रदेशको पहाडी भागमा स्थानीय वायुको पनि केही प्रभाव रहेको जल तथा मौसम विज्ञान विभागले जनाएको हो ।
आज काठमाडौं उपत्यकाको अहिलेको तापक्रम १६ डिग्री सेल्सियसमा मापन गरिएको र यहाँको अधिकतम तापक्रम २६ देखि २८ डिग्री सेल्सियसका बीच रहेको विभागको पूर्वानुमान छ ।
विभागका अनुसार कोशी, मधेश, बागमती, गण्डकी र लुम्बिनी प्रदेशका केही भागमा आंशिकदेखि साधारणतया बदली रहेको र बाँकी भागमा मौसम सफा रहेको छ ।
विभागले आज बिहान ६ः०० बजे जारी गरेको मौसम बुलेटिन अनुसार आज दिउँसो देशका पहाडी भागमा आंशिकदेखि साधारणतया बदली रही बाँकी भागमा मौसम सफा रहने जनाएको छ ।
कोशी, बागमती र गण्डकी प्रदेशका पहाडी भागका केही स्थान तथा बाँकी प्रदेशका पहाडी भागका एक–दुई स्थानमा मेघगर्जन र चट्याङसहित हल्का वर्षाको सम्भावना छ ।
त्यसैगरी, आज राति कोशी, बागमती र गण्डकी प्रदेशको पहाडी भागमा आंशिकदेखि साधारणतया बदली रही बाँकी भागमा मौसम सफा रहनेछ भने कोशी, बागमती र गण्डकी प्रदेशका पहाडी भागका एक–दुई स्थानमा मेघगर्जन र चट्याङसहित हल्का वर्षाको सम्भावना रहेको छ ।
सम्बन्धित खवर
आज सुनचाँदीको मूल्य घट्यो
लेटाङका किसान व्यावसायिक कफीखेती तर्फ आकर्षित
