भोजपुर  । यस वर्ष पनि भोजपुरमा साधारण धारतर्फ सामुदायिक विद्यालयबाट एसइई परीक्षामा उत्कृष्ट अङ्क ल्याउने दलित छात्रालाई कर्मचारी मिलन केन्द्र भोजपुरले बुधवार एक कार्यक्रम बीच सम्मान गरेको छ ।

नजिकिँदै गरेको नेपालीहरूको महान चाड विजयादशमी, शुभ दिपावली, छठ र नेपाल सम्वत् अवसरमा आयोजित शुभकामना आदान प्रदान कार्यक्रममा मिलन केन्द्रले भोजपुरको पूर्वी अरुण गाउँपालिका वडा नम्बर १, याङपाङको कटका माध्यामिक विद्यालयबाट २०८० सालको एसइई परीक्षामा तीन दशमलव ५२ प्रतिशत जिपिए ल्याउने हुने दलित छात्रा तर्फबाट रोजिना शिवालाई सम्मान गरेको हो ।

रोजिनालाई दोसल्ला, प्रशंसापत्र र नगद सात हजार पाँच सय पाँच रुपैयाँ सहित मिलन केन्द्रका तर्फबाट सम्मान गरिएको थियो ।

उक्त कार्यक्रममा प्रमुख जिल्ला अधिकारी नरबहादुर थापा, गणपति प्रशुराम थापा, प्रहरी प्रमुख प्रहरी नायब उपरीक्षक युवराज तिमिल्सिना, सशस्त्र प्रहरी नायव उपरीक्षक देवेन्द्र थापा, केन्द्रका अध्यक्ष बुद्धराम मल्ल आले, कार्यालय प्रमुखहरू, केन्द्रका पदाधिकारी, पत्रकार लगायतको कार्यक्रममा सहभागिता रहेको थियो ।